LIONS Club Bologna San Luca
EVENTI
Zèrudèla d’la buntè
Con questa zirudèla dedicata alla trascorsa serata di raccolta fondi per i bambini prematuri dell’Ospedale Gozzadini del Sant’Orsola il Lions Club Bologna San Luca desidera augurare a tutti una Pasqua serena e piena di armonia.
Zèrudèla d’la buntè
l’è n’a storia ch’ai ò imparè
l’ai ò sintò ultimamant
racuntèr da tanta zant.
“Bandessa san Zvanen
tott i fangen cinen cinen”
mi mama l’am dgéva
quand un fangen al starnutéva
Ma san Zvanen l’à da
bandir
anch’ i fangen chi reschen d’murir
parchè i en né trop prest
as vad chi vleven vgnir fora lest.
Me an al saveva che i
eren di cinno
prematur,
l’è propri un brot scherz ch’ai à fat
la natur
l’è adess ch’inezzia la fevla
qué tott insam innanzi a la tevla.
Ai è un’assoziazian,
Lions club as ciama
c’la vol raccatèr un sacten ed grana
l’à organizzé, in qual ed Castel,
n’a festa con quast obietiv finel.
Ai en vgnò da totti al
pért
par partezipèr, con al portafoi avért,
parché par magnèr,bavver e balèr,
giostamant, as’à da paghèr.
La madreina d’la festa,
nostra anfitriona,
la s’è invantè n’a cosa dimondi bona
insam a di Anzel Custod la fa un zough
al quel al pol partezipèr anch’al cough.
L’è n’a lotteri dimondi
bela e recca
e totta la zant, par venzèr, s’impastecca,
la urla, la sbraita, la fa gli scongiuri
e la manda di azzidant ai “vincituri”.
Par évitèr che i baiuch
in finissen
tott quant spais in “delicatessen”
e scusam ban d’avair ciacarè in tudasch
al risulté finel l’à da esser quast.
A la fin, coi baiuch
avanzè
a s’à da fèr n’a grosa buntè
a s’ regalen al sbdèl S.Orsola-Gozzadini
par fèr fliz grandi e piccini.
Sté
sbdèl qué l’à tott un pian
par i prematur a disposizian
i assisten, i curen, i cazen d’anter
a l’incubatriz
con tott l’amaur c’l’aveva la vecia
levatriz.
A Rosanna, Angela,
Vittoria e a tott qualli
d’l’organizzazian
a s’an grèt par la gioia e l’emozian
chi s’an dè ed partezipèr a sta festa,
premma col cor, dop con la testa.
Quasta l’è infen la
morèl
c’sa ié al mand ed piò bel
che dvartires e fèr n’a cosa bela
toch e dai la zèrudèla.
Raffaello Castellani ( Rafael Castlan )
